Radius: Off
Radius:
km Radio de xeolocalización
Atopar

A FESTA DOS MAIOS SERÁ ESTE VENRES NO RECINTO FEIRAL DO ALBARÓN

Neda, 29 de abril de 2019.- O recinto de Albarón acollerá o venres, día 3, as celebracións dos Maios que o goberno de Neda promove en horario de mañá e tarde coa intención de festexar con flores, poesía e actuacións musicais o renacer do mundo vexetal na primavera.
A iniciativa dará comezo ás 11.00 horas coa creación dos primeiros adornos florais a cargo dos alumnos dos CEIPs Maciñeira, San Isidro e mesmo da escola infantil “Os Pelegríns”.
A actividade retomarase a primeiras horas da tarde, ás catro, coa elaboración dos maios e a actuación musical do cuarteto de Trasancos. A partir das cinco haberá unha exhibición de zumba na que intervirán o alumnado da escola municipal e da Asociación de Veciños Ancos, e a celebración dun obradoiro infantil con flores para que os máis novos tamén tomen contacto cunha festa cuxa orixe é anterior á chegada dos romanos.
A poesía estará presente na programación a partir das 19.30 horas coa intervención de Dani Cánovas y, a partir das 20.00 horas e tras unha votación popular, terá lugar a entrega dos premios aos mellores adornos florais. O acto rematará coa actuación do dúo Eva e Camilo.
O executivo local invita a toda a veciñanza a sumarse á celebración ao tempo que agradece a participación na mesma dos CEIPs San Isidro e Maciñeira, a escola “Os pelegríns”, Asociación Semente, Escola Municipal de Teatro Infantil, AVV Ancos, Andaina A Canteira e comparsa A Canteira, Asociación de Xubilados de Neda (Axune), colectivo Agujas, Hilos y Dedales (Centro Cívico) e o denominado “Sacando hilos y Enhebrando Agujas (Casilla do Puntal).