Radius: Off
Radius:
km Radio de xeolocalización
Atopar

NEDA ACOLLERÁ ESTE XOVES A PRESENTACIÓN DO ÚLTIMO NÚMERO DA REVISTA OLGA

Neda, 7 de Agosto de 2018.- Neda acollerá a presentación dun novo número da revista Olga, publicación de poesía galega editada en Madrid. Será o próximo xoves, día 9, na Casa das Palmeiras. O acto contará coa presenza de Vicente Araguas que, xunto a Sabino Torres, Rafael Yáñez, e Manuel Pereira, son os patrocinadores dun proxecto editorial que chega ao número cinco cun monográfico dedicado a Ricardo Carballo Calero. A concelleira de Cultura, Cristina Bouza Bellón, tamén ten confirmada a súa asistencia ao acto. A presentación dará comezo ás 20.00 horas e o Concello invita á veciñanza en xeral e aos amantes da poesía en galego en particular a participar nunha convocatoria de acceso libre e gratuíto.