Radius: Off
Radius:
km Radio de xeolocalización
Atopar

O CONCELLO ANIMA AOS MAIORES E PENSIONISTAS A PARTICIPAR NO PROGRAMA DE TERMALISMO DO IMSERSO

Neda, 15 de Xaneiro de 2019.- O goberno de Neda invita aos veciños e veciñas de máis idade a participar no programa de Termalismo Social do Imserso. Son estancias en balnearios dirixidas a pensionistas do Sistema da Seguridade Social polos conceptos de xubilación e incapacidade permanente así como a pensionistas por outros criterios ou perceptores de prestacións ou subsisdios de desemprego, que teñan cumpridos os 60 anos, e pensionistas pola condición viuvez que teñan máis de 55.

O programa está aberto así mesmo á participación dos cónxuxes ou parellas de feito sen necesidade de que estes reúnan os requisitos de idade ou pensión. As esixencias tamén pasan por valerse por se mesmo para as actividades da vida diaria e por non padecer alteracións de comportamento que impidan a convivencia nun centro residencial nin enfermidade infecto contaxiosa.
As persoas interesadas en tomar parte na primeira quenda, que inclúe de febreiro a agosto, dispoñen ata o día 16 de maio para solicitar a inclusión nunha lista de espera, mentres que se optan por viaxar entre os meses de setembro e decembro o prazo para apuntarse aínda remata o día 17 de maio.
A adxudicación das prazas realizarase de acordo coa puntuación obtida polos expedientes, tendo en conta os balnearios e quendas solicitadas. Para máis información ou inscribirse, os interesados deben dirixirse ao departamento de Servizos Sociais.
A participación no programa do Imserso inclúe aloxamento e manutención en réxime de pensión completa e en habitacións dobres de uso compartido, ademais de tratamentos termais básicos, a realización de actividades de animación e unha póliza colectiva de seguro turístico.